Citaĵo : "Libro nepre rimarkinda kiu instigos vin al pripenso kaj medito, kies enhavo plejverŝajne foje-foje havos vian malaprobon, eble vekos vian indignon, sed kiu estas de komenco ĝis fino malenuiga : 'Leteroj de E. Lanti' skribitaj en plej diversaj landoj de nia planedo, en norda Narvik, en suda Sidney, en Portugalujo kaj Japanujo, k.t.p. pri temoj plej diversaj, pri Esperanto, bolŝevismo, sennaciismo, judismo, moralo, budaismo, japanaj virinoj, k.t.p. en stilo modele flua kaj vivanta, de eminenta Esperantisto akre observema kaj originalmensa." Flandra Esperantisto, 1945, 3(33), p. 3