Kitabın müəllifi, "Əsəd bəy" təxəllüslü Lev Nussimbaum haqda fikirlərin birmənalı olmadığı, onun hətta fırıldaqçı olduğu barədə müəyyən məlumatım var idi. Bu kitabını oxuduqdan sonra bu məlumatın doğruluğuna məndə şübhə yeri qalmadı. Kitabın əvvəlki hissələri və sonu ideya, müəllif sözü baxımından bir-birindən fərqlənir. Sadə şəkildə desək, kitabın ilk hissələri İslam əleyhdarı yəhudi düşüncələri havasında, sondan bir az əvvəlki hissələri nisbətən islam düşüncəsində, sonları isə vəhhabi propaqandası üslubunda yazılıb. Eyni bir yazıçı bu qədər fərqli ideyaları necə dəstəkləyə bilər bir əsərdə? "Əli və Nino" barəsində deyirlər ki, əsəri azərbaycanlı yazıçı Yusif Vəzir Çəmənzəminli yazıb, lakin maliyyə qıtlığı ucbatından çap etdirə bilməyib və Qurban Səid təxəllüslü Lev Nussimbaumdan yardım istəyib. Son nəticə olaraq Nussimbaum Qurban Səid təxəllüsü ilə əsəri öz adına çıxıb və indi də bu əsərin müəllifi kimi tanınır. Ola bilər ki, bu kitabın da bəzi hissələrini özü yazıb və ya dəyişdirsə də qalan hissələrini başqalarının yazdıqlarından köçürüb. Ümumilikdə isə bu əsəri o qədər də bəyənmədim və bunu oxuyanlara kitabı anti-islam düşüncəli avropalı bir yəhudinin İslam peyğəmbəri haqda yazdıqları kimi qəbul etməyi məsləhət görürəm. ( )