Luisa Villalta

Editado por Edicións Proscritas en colaboración con ACAB recolle as cinco pezas escritas por Luísa Villalta: Concerto para un home só publicado en 1989 nos Cadernos da Escola Dramática Galega dirixidos por Francisco Pillado, a quen vai dedicada a obra. O representante, publicada en 1990, O paseo das esfinxes, do ano 1991, ambas editadas asemade polos Cadernos da Escola Dramática Galega, en 1991, Os doces anos da guerra, obra publicada pola Revista Galega de Teatro no ano 2001, e finalmente, As certezas de Ofelia, publicada na Revista de Teatro editada por CasaHamlet en 1999.… (altro)

Publicación que contén varios poemarios de L. Villalta: Música reservada, Ruído, Rota ao interior do ollo e En concreto. Música reservada, unha declaración de intencións na que costa entrar pero que non nos expulsa polo ritmo do poemario, é a entrada a unha poesía na que se agolpan os conceptos e as ideas, xunto con imaxes nunha metáfora global que abraia. Chegamos entón a Ruído onde voamos máis a gusto, poemario moi reivindicativo e político co que voar por todo o texto.
Rota ao interior do ollo repasa a vida, dende o inicio ao final, seguindo a ruta que lle marca o cadrado máxico SATOR, que "cifra o sentido da existencia, do amor e do comos". Rematamos con En concreto, unha elexía á súa cidade A Coruña.… (altro)