Jorge A. Livraga Rizzi

Ai që beson se shkencat historike dhe arkeologjike në pergjithesi jane ekzakte, nuk njeh proçesin zhvillues ciklik të të njëjtave disiplina dhe punën emocionuese e njëkohësisht të lodhëshme të interpretimit të vazhdueshëm të koncepteve. Grekët e lashtë e quajtën "Egjipt", tokën e vjetër të Kcra-it, çka do të thotë "mister" dhe "enigmë". Brenda kësaj enigme kemi zgjedhur zonën e qytetit të lashtë të quajtur Tebas. A ekziston ndonjë "histori tjetër" e Egjiptit dhe rjedhimisht, edhe e Tebasit? Nuk ekziston një variant i tillë i saktë, por ekzistojnë tradita që mund të shërbejnë si alternativa të mundshme ose të pakten, që janë disi më të mundshme sesa ato që ofron shkenca zyrtare. Me Tebasin do përpiqemi të heqim vellon, që mbulon misteret e Egjiptit te lashtë.… (altro)

Ky libër na bën pjesë të një ëndrre për një botë më njerëzore dhe më natyrale, në të cilën pyetjet e mëdha ekzistenciale do të mund të gjejnë përgjigje. Qeni Moasi është një roman i bukur, romantik me qasje filozofike dhe socialpolitike. Moasi udhëton nëpër botë, vjen në kontakt me kultura të ndryshme dhe i respekton ato duke i vëzhguar nga këndvështrimi i tij i pastër dhe hetues.

Vepra gjithashtu na udhëheq të vëzhgojmë dhe të reflektojmë mbi veten tonë, mbi botën dhe ngjarjet, duke na treguar idealizmin e një "qeni-njeri", të çliruar nga paragjykimet dhe të mbushur me inteligjencë dhe ndjeshmëri.… (altro)

Në një epokë errësire mesjetare, fillon të mbijë fara e një Rilindjeje të ndritshme. Në një epokë të tillë përgatitjeje të Rilindjes që do të vijojë, shpaloset historia aventureske e Alkimistit. Me penën e mprehtë të autorit përshkruhen ngjarjet dhe rrethanat e Mesjetës që zhvillohen në shekullin e 75-të në shumë shtete të kontinentit të vjetër, Evropës. Supersticionet, paragjykimet, interesat fetare dhe politike pengonin çdo lloj kërkimi dhe zhvillimi shkencor apo çdo lloj përjetimi shpirtëror. Idetë revolucionare të Xhordano Brunos, ato që e vunë në turrën e druve për ta djegur të gjallë në vitin 1600, pranohen pa përjashtim nga shkenca e sotme nëtë gjithë sektorët e dijes që ai preku. Ato ide dhe trimëria e tij për t'i mbrojtur akoma dhe me jetën e tij e bënë martir të mendimit të lirë. Alkimisti është rrëfimi i një historie që dikur ka ndodhur, por që mund të kthehet përsëri. Një histori e gjallë, e përjetuar thellësisht, e cila në kapitullin e fundit të saj na jep një përgjigje jo të zakonshme, por të vërtetë sa vetë jeta. Në germadhat e një bote të vjetër, që depërtohet nga tunele sekrete nëntokësore, një djalosh i ri i shekullit të 20-të duke ecur me gjyshin e tij do të gjejë një përgjigje, një përgjigje që tretet në mjegullën e së kaluarës së tij të largët...… (altro)